Лукашэнка: У мяне няма алергіі на Мартынава

Дыктатар патлумачыў, чаму прызначыў новага кіраўніка МЗС.

«Павінен адзначыць, што ў знешнепалітычнай сферы мы не дапусцілі сур'ёзных правалаў і праколаў, якія б маглі негатыўна адбіцца на лёсе нашай дзяржавы», - заявіў Аляксандр Лукашэнка ў сераду ў Менску на цэрымоніі прадстаўлення Уладзіміра Макея на пасадзе міністра замежных спраў, перадае Інтэрфакс.

«І гэта нягледзячы на велізарны ціск з боку асобных дзяржаў-за правядзення намі незалежнага знешнепалітычнага курсу і абароны нашых нацыянальных інтарэсаў», - працягнуў ён.

Закранаючы прынятае рашэнне аб вызваленні Сяргея Мартынава ад пасады міністра замежных спраў і прызначэння на яе Макея, дыктатар адзначыў: «Я не вельмі ўнікаў, як на гэта адрэагавалі нашы прыхільнікі і праціўнікі». «Хачу заявіць сваю пазіцыю: прапрацаваўшы амаль 10 гадоў на пасадзе міністра, Сяргей Мікалаевіч (Мартынаў - ІФ) адносна даўно выказаў пажаданне папрацаваць на іншай рабоце», - сказаў Лукашэнка. «Гэта (адстаўка - ІФ) была яго ініцыятыва. Прычым яна, з майго пункту гледжання, выглядала вельмі годна, па-мужчынску, асабліва - матывацыя», - падкрэсліў ён.

Лукашэнка прызнаўся, што доўга разважаў, каго прызначыць на пасаду кіраўніка МЗС. Акрамя таго, дадаў кіраўнік, «для мяне немалаважна, дзе Сяргей Мікалаевіч будзе працаваць, таму што для мяне асабіста, для краіны ён не чужы».

«Ён нямала, нават скажу - шмат, зрабіў для станаўлення нашага знешнепалітычнага і знешнеэканамічнага ведамства. Гэта разумны чалавек, у мяне асабіста ён і яго дзеянні ніколі не выклікалі алергіі. Больш за тое, я стараўся прыцягнуць яго да няпрофільнай, неўласцівай працы, асабліва там, дзе трэба аналізаваць», - сказаў Лукашэнка. Ён выказаў надзею, што гэтыя вынікі былі не столькі плёнам працы непасрэдна Мартынава, але і ўсяго міністэрства.

«Магчыма, з новым міністрам вы будзеце генераваць ідэі, якія нам неабходныя не толькі ў знешнепалітычнай дзейнасці, але і дзейнасці ўнутры дзяржавы», - сказаў Лукашэнка, звяртаючыся да прадстаўнікоў МЗС.