Беларусь істотна скараціла экспарт нафтапрадуктаў

Беларусь у чэрвені істотна скараціла экспарт нафтапрадуктаў, растваральнікаў і змазачных матэрыялаў, якія забяспечваюць асноўны прырост экспарту.

«Неабходна адзначыць, што ў чэрвені адбылося істотнае зніжэнне, у параўнанні з траўнем бягучага года, экспарту па групе энергетычных тавараў, за кошт зніжэння экспарту нафты - 82,9% (г.зн. на 17,1% - ІФ) і нафтапрадуктаў - 89,8% (на 10,2% - ІФ) і іншых прамежкавых (без энергетычных) тавараў, за кошт зніжэння экспарту растваральнікаў і змазачных матэрыялаў - 77,7% (на 22,3% - ІФ)», - сказана ў аналітычным аглядзе развіцця эканомікі краіны, размешчаным на сайце ведамства.

Як піша "Інтерфакс", у дакладзе канстатуецца, што рост таварнага экспарту з Беларусі ў першым паўгоддзі на $6 млрд 384 млн, або на 33,7%, «у асноўным забяспечаны экспартам нафтапрадуктаў (у тым ліку біядызеля), растваральнікаў і змазачных матэрыялаў».

Паводле даных Мінэканомікі, на долю гэтых трох таварных груп прыпадае больш за $5 млрд, або амаль 80% агульнага прыросту экспарту ў справаздачным перыядзе. У тым ліку экспарт нафтапрадуктаў вырас на $2,43 млрд (доля 38% у агульным прыросце экспарту тавараў), растваральнікаў - на $1,8 млрд (28,3%), змазачных матэрыялаў - на $0,8 млрд (12,3%) .