У Беларусі самая маленькая «мінімалка» у рэгіёне

Мінімальная зарплата ў Беларусі ніжэй, чым у любой з суседніх з намі краін.

З 1 жніўня ў Літве павышана мінімальная заработная плата. Цяпер яе памер складае 850 літаў. Павышэнне «мінімалкі» паўплывае на зарплату больш за 200 тысяч работнікаў, заяўляе Міністэрства працы і сацыяльнай абароны Літвы.

FINANCE.TUT.BY даведаўся, наколькі памер мінімальнай заработнай платы ў суседніх краінах адрозніваецца ад яе памеру ў Беларусі.

Як вынікае з табліцы, «мінімалка» у Беларусі ніжэй, чым у любой з суседніх краін. Лідзіруе па гэтым паказчыку Польшча, дзе мінімум, які можа атрымаць работнік, дасягае 1500 злотых, або амаль 450 даляраў. Паведамляецца, што ў наступным годзе мінімальная заработная плата ў Польшчы ўзрасце яшчэ на 100 злотых.

Далей з вялікім адрывам знаходзіцца Латвія. МЗП ў гэтай краіне роўная 200 латам, або 352 даляра. У бліжэйшы час павялічваць яе ўрад не плануе.

Замыкае тройку лідэраў Літва з памерам мінімальнай зарплаты крыху больш за 300 даляраў.

Афіцыйны сайт Мінпрацы інфармуе, што МЗП у Беларусі вызначае найнізкую мяжу аплаты працы работнікаў і з'яўляецца абавязковай для ўсіх наймальнікаў.