Тарыф на транзіт расейскай нафты вырас на 9,7%

Кошт транспарціроўкі расейскай нафты па магістральных трубаправодах на тэрыторыі Беларусі з 1 лютага будзе павышаны на 9,7%

Тарыф за транспарціроўку нафты па дамове з ААТ «Гомельтранснафта Дружба» па маршруце Унеча (Высокае) - Адамава Застава вырасце да 196,6 з 179,26 расейскіх рублёў за 1 тону, Унеча (Высокае) - Броды - да 84,45 з 76, 99 рублёў за 1 тону, Невель (Вялікія Лукі) - Полацк - Высокае - да 24,5 з 22,33 рублёў за 1 тону (тарыф на паслугі па прыёме і транспарціроўцы нафты для далейшага замяшчэння па напрамках Германія, Чэхія, Славакія, Польшча, Венгрыя), паведамляе агенцтва «Прайм».

Паводле дамовы з ААТ «Полацктранснафта Дружба» тарыф па маршруце Невель - Полацк - ААТ «Нафтан» складзе 23,86 рублёў за тону, Унеча (Высокае) - Полацк - ААТ «Нафтан» - 91,56 рублёў, на прыём і транспарціроўку для далейшага замяшчэння па кірунку Невель - Полацк - Унеча (Высокае) - для ААТ «Мазырскі нафтаперапрацоўчы завод» - 20,63 рублёў.

У студзені 2010 года Беларусь і Расея зацвердзілі механізм тарыфнага рэгулявання пры транспарціроўцы расейскай нафты па сістэме магістральных нафтаправодаў. У адпаведнасці з ўзгодненай бакамі методыкай, тарыфы на транзіт нафты па тэрыторыі Беларусі павінны зацвярджацца ў расейскіх рублях. Пры гэтым тарыф разлічваецца на падставе аб'ёмаў прапампоўвання расейскай нафты. Пры гэтым АК «Транснафта» не пазней за 15 лістапада накіроўвае ў адрас беларускіх трубаправодных арганізацый звесткі пра запланаваныя на наступны год аб'ёмах паставак нафты на НПЗ Беларусі і транзіту. Беларусь у сваю чаргу да 25 лістапада перадае «Транснафты» на ўзгадненне плануемыя памеры тарыфаў. Тарыфы павінны быць узгодненыя да 25 снежня, зацверджаныя Мінэканомікі Беларусі да 15 студзеня, уведзеныя ў дзеянне з 1 лютага.

У выпадку адсутнасці дамоўленасцяў па памеры тарыфаў Мінэканомікі Беларусі мае права павышаць дзеючыя стаўкі тарыфаў на ўзровень сярэднегадавой інфляцыі, закладзены ў прагнозе сацыяльна-эканамічнага развіцця Расеі, павялічаны не больш чым на 0,03%. У дакуменце таксама адзначаецца, што перагляд тарыфаў павінен насіць планавы характар і праводзіцца не раней чым праз 12 месяцаў пасля папярэдняга планавага перагляду.

Пазапланавы перагляд тарыфаў можа ажыццяўляцца пры істотным змяненні ўмоў гаспадарчай дзейнасці арганізацый трубаправоднага транспарту Беларусі. Пры гэтым пазапланавы перагляд тарыфаў можа ажыццяўляцца да 1 кастрычніка.

У апошні раз тарыф на транзіт расейскай нафты праз тэрыторыю Беларусі быў павялічаны з 1 лютага 2012 года на 8,3%.

ААТ «Гомельтранснафта Дружба» з'яўляецца аператарам паўднёвай галіны магістральнага нафтаправода «Дружба» і ажыццяўляе транзіт расейскай і казахстанскай нафты праз Беларусь у Польшчу, Германію, на Украіну, ў Венгрыю, Славакію, Чэхію, а таксама пастаўляе расейскую і беларускую нафту на ААТ «Мазырскі НПЗ».

ААТ «Полацктранснафта Дружба» - аператар паўночнай галіны магістральнага нафтаправода - транспартуе расейскую нафту з Заходне-Сібірскага рэгіёна, Татарстана і Паволжа ў Беларусь на ААТ «Нафтан». Акрамя таго, нафтаправоды, эксплуатаваныя арганізацыяй, дазваляюць ажыццяўляць транзітную транспарціроўку нафты ў краіны Балтыі.