Саюз афіцэраў Украіны выказаў недавер Януковічу

На пазачарговым з'ездзе Саюза афіцэраў дэлегаты выказалі недавер прэзідэнту Украіны і заклікалі сілавікоў не выконваць незаконныя загады ўлады.

Сёння адбыўся 22-і з'езд Саюза афіцэраў Украіны, удзельнікі якога асудзілі прымяненне ўладай грубай сілы супраць мірных грамадзян. Рашэнні, прынятыя Саюзам афіцэраў, зачыталі самі ўдзельнікі з'езда ў прэс-цэнтры Штаба нацыянальнага супраціву, паведамляе Цензор.НЕТ.

Саюз афіцэраў Украіны кваліфікаваў дзеянні сілавікоў пры разгоне мірных акцый, у прыватнасці Еўрамайдана, як катаванні.

Разам з тэме, Саюз афіцэраў заклікаў сілавікоў не выконваць злачынныя загады.

«Ніякая ўлада не бывае вечнай, і гэтая крымінальная таксама сыдзе ў нябыт. Але адказнасць за злачынствы абавязкова наступіць», - гаворыцца ў заяве Саюза афіцэраў. Нагадаем, на з'ездзе Саюза афіцэраў таксама выступіў лідар «Удара» Віталь Клічко. Ён заявіў, што войска ні ў якім разе не павінна быць выкарыстана ўладай у дачыненні да мірных мітынгоўцаў.

«Я з сям'і вайскоўцаў, мой бацька быў вайскоўцам. Хачу звярнуцца да людзей, якія давалі прысягу адстойваць інтарэсы грамадзян і Айчыны, - войска ні ў якім разе не павінна быць выкарыстана ў ганебных планах, якія існуюць у галовах прадстаўнікоў дзеючай улады», - падкрэсліў Клічко.