МУС Украіны прызнала парушэнні падчас разгону Еўрамайдану

Падчас разгону мітынгу на Майдане Незалежнасці у Кіеве 30 лістапада мелі месца парушэнні закону з боку асобных міліцыянтаў.

Пра гэта паведамляе «Інтэрфакс» са спасылкай на папярэднія вынікі праверкі МУС Украіны.

Праверкай было ўстаноўлена, што некаторыя міліцыянты ўжывалі меры фізічнага ўздзеяння да дэманстрантаў зыходзячы з ацэнкі сітуацыі, якая склалася. Пры гэтым у МУС адзначаюць, што існуюць падставы сцвярджаць, што падчас разгону мелі месца парушэнні закона і нарматыўна-прававых актаў установы. У прыватнасці, некаторыя міліцыянты ўжывалі спецсродкі і сілу да дэманстрантаў звыш меры, піша Lenta.ru.

Пра канкрэтных падазраваных у перавышэнні паўнамоцтваў падчас разгону акцыі на Майдане Незалежнасці у МУС не паведамілі. Раней прэзідэнт Украіны Віктар Януковіч заяўляў аб трох меркаваных вінаватых ва ўжыванні гвалту да дэманстрантаў і разгону мітынгу прыхільнікаў еўраінтэграцыі. З ягоных слоў, яны знаходзіліся ў момант разгону акцыі на Майдане Незалежнасці, аднак ніякіх звестак аб асобах гэтых трох чалавек Януковіч не раскрыў. Пазней, як паведамляе РІА Новости, міністр юстыцыі Украіны Алена Лукаш заявіла, што фігурантамі справы аб разгоне Еўрамайдану могуць стаць тры высокапастаўленыя чыноўнікі, аднак іх імёнаў і пасады яна не назвала.

Ноччу 30 лістапада ўкраінская міліцыя, у тым ліку байцы спецпадраздзялення «Беркут», разагналі дэманстрантаў, што сабраліся на Майдане Незалежнасці, ужываючы да некаторых з іх гвалт. Пасля паводле факту падзей на Майдане была распачатая крымінальная справа паводле артыкулаў «ужыванне гвалту да прадстаўніка ўлады» і «перавышэнне службовых паўнамоцтваў».

Фота: klichko.org