Новым затрыманым у «балотнай справе» стаў выдавец

У Маскве затрыманы чарговы падазраваны ў справе аб нібыта масавых беспарадках, якія мелі месца на Балотнай плошчы.

Ім стаўся намеснік дырэктара ў эканоміцы ў выдавецтве «Медыяцэнтр-АРТ» Аляксандр Марголін, паведамляе ВВС.

Журналіст, які раней працаваў у выдавецкім доме Радзівонава, стаў 24-м затрыманым у «балотная справе». У гэтым месяцы ўжо быў затрыманы яшчэ адзін удзельнік шэсця 6 траўня 2012 года - нацыянал-дэмакрат Ілля Гушчын.

«А 7 раніцы следчыя СКР прыехалі да яго дадому, правялі ператрус, канфіскавалі інфармацыю з кампутара і вопратку, у якой ён быў на мітынгу, і павезлі на допыт у Следчы камітэт», - паведаміў каардынатар праекта «Росузник» Сяргей Уласаў.

Ператрус, са слоў Уласава, доўжыўся некалькі гадзін, прычым за гэты час да затрыманага ўжо выехаў адвакат праваабарончага праекта.

«Думаю, што Марголіну выставяць абвінавачванне паводле артыкула 212 («масавыя беспарадкі»), а можа быць, і паводле артыкула 318 («гвалт у дачыненні да прадстаўніка ўлады»)», - дадаў Уласаў.

У Следчым камітэце Расеі пацвердзілі інфармацыю аб затрыманні журналіста.

Падчас Марша мільёнаў 6 траўня Марголін «паваліў супрацоўніка паліцыі на зямлю і нанёс яму некалькі ўдараў нагамі. Гэта пацвярджаецца відэазапісам, які ёсць ў распараджэнні следства, і паказаннямі сведак і пацярпелага», - сказаў афіцыйны прадстаўнік СКР Уладзімір Маркін.

Нагадаем, Марш мільёнаў 6 траўня 2012 года быў прымеркаваны да інаўгурацыі абранага на трэці прэзідэнцкі тэрмін Уладзіміра Пуціна, што адбылася на наступны дзень.

У канцы мінулага года СКР паведаміў, што следства ў дачыненні да 12 з абвінавачаных у «масавых беспарадках» на Балотнай скончанае, і яны знаёмяцца з матэрыяламі справы.

Рада правоў чалавека пры прэзідэнце Расеі, прааналізаваўшы відэазапісы падзеяў 6 траўня, прыйшоў да высновы, што масавых беспарадкаў на Балотнай плошчы не было, а сутычкі з дэманстрантамі былі справакаваныя паліцыяй.