Раман Якаўлеўскі: Пуцін не сумуе без Лукашэнкі

Адсутнасць запрашэння беларускага кіраўніка на саміт G20 у якасці старшыні СНД даказвае, што ў Санкт-Пецярбургу абыдуцца без яго.

Пра гэта заявіў сайту charter97.org палітычны аглядальнік Раман Якаўлеўскі, каментуючы незапрашэнне беларускага дыктатара на саміт «Вялікай дваццаткі».

«На саміце будуць прысутнічаць кіраўнікі дзяржаў і прадстаўнікі міжнародных арганізацый. Лукашэнка мог быць не запрошаны як кіраўнік Беларусі, але вельмі дзіўна тое, што яго не запрасілі ў якасці старшыні СНД. Зараз вядома, што Садружнасць незалежных дзяржаў будзе прадстаўляць Казахстан», - адзначыў палітычны аглядальнік.

Эксперт звярнуў увагу, што напярэдадні саміту міністр замежных спраў Расеі Сяргей Лаўроў абяцаў усяляк садзейнічаць прадастаўленню Беларусі статусу назіральніка ад міжнароднага праекта «Паўночнае вымярэнне».

«У канчатковым выніку было вырашана, што беларуская дзяржава не будзе прадстаўленая і ад гэтай арганізацыі, так не з'яўляецца краінай балтыйскага рэгіёну, а кіраўнік Беларусі канчаткова пасварыўся са Швецыяй. Дадзены ход можна ахарактарызаваць як элегантны дыпламатычны здзек. Усе гэтыя факты сведчаць аб тым, што Пуцін без Лукашэнкі не сумуе», - сказаў на заканчэнне Раман Якаўлеўскі.

Нагадаем, што беларускі дыктатар не быў запрошаны на саміт G20 у Санкт-Пецярбург.

На вераснёўскі саміт «Вялікай дваццаткі» ў Санкт-Пецярбургу, акрамя кіраўнікоў дзяржаў і ўрадаў гэтага аб'яднання, запрошаныя таксама шэсць краін-гасцей і прадстаўнікі міжнародных арганізацый, у тым ліку СНД.

Адзначым, што Беларусь у 2013 годзе з'яўляецца старшынёй Садружнасці незалежных дзяржаў.