Пракаповіч заняў 19-ю пасаду

Віцэ-прэм'ер РБ Пётр Пракаповіч атрымаў яшчэ чатыры пасады.

Пра гэта гаворыцца ва ўказе Лукашэнкі № 149 ад 4 красавіка 2013 года.

Згодна з указам, Пётр Пракаповіч прызначаны старшынёй Міжведамаснай камісіі па пытаннях далучэння Беларусі да СГА, кіраўніком ад Беларусі Міжнародным банкам рэканструкцыі і развіцця, кіраўніком Шматбаковага агенцтва па гарантыях інвестыцый і Міжнароднай фінансавай карпарацыяй.

Такім чынам, на дадзены момант віцэ-прэм'ер займае ўжо 19 пасад.

Нагадаем, раней Пракаповіч займаў пасаду кіраўніка Нацбанка, але быў звольнены 18 ліпеня 2011 года «ў сувязі з выхадам у адстаўку». За час яго банкірства рубель дэвальваваўся ў 2,8 разы, а інфляцыя ў Беларусі заставалася самай высокай на кантыненце.

Фота: photo.bymedia.net