КНДР заваблівае турыстаў шыкоўным гарналыжным курортам
33- 29.01.2014, 12:26
- 8,044
Няветлівая Паўночная Карэя на ўсходзе краіны адкрыла для турыстаў раскошны гарналыжны курорт Masik Pass Ski Resort.
Схілы цалкам гатовыя да катання, а гатэль Masikryong - да прыёму гасцей. Курорт, пабудаваны за нейкіх 10 месяцаў пад наглядам самога Кім Чэн Ына, мае дзевяць спускаў даўжынёй да 5 км і можа прыняць да 5000 чалавек у дзень. Усе трасы абсталяваныя пад'ёмнікамі кітайскай вытворчасці, піша supercoolpics.com.
Кітайскі тураператар Кoryo Tours заяўляе, што ўжо цяпер можа адвезці ў Masik Pass Ski Resort любога жадаючага, вось толькі кошт тура паказваць не стаў. Натуральна, сярод саміх карэйцаў такі адпачынак змогуць дазволіць сабе адзінкі.
