Лукашэнка падпісаў новы закон аб СМІ

Усе інтэрнэт-сайты прыраўноўваюцца да СМІ і могуць быць заблакаваныя з пастановы Мінінфарма.

20 снежня Аляксандр Лукашэнка падпісаў новы Закон Рэспублікі Беларусь «Аб сродках масавай інфармацыі». Тэкст дакумента апублікаваны на сайце Нацыянальнага цэнтра прававой інфармацыі.

Паводле новага закона, усе інтэрнэт-сайты ў Беларусі прыроўненыя да СМІ.

Нагадаем, «палатай прадстаўнікоў» 17 снежня ў двух чытаннях быў разгледжаны праект Закона «Аб унясенні дапаўненняў і змяненняў у Закон Рэспублікі Белару «Аб сродках масавай інфармацыі». 18 снежня «савет рэспублікі» ўхваліў папраўкі.

Праект быў унесены на разгляд Саветам міністраў Беларусі. Папраўкі не выносіліся на грамадскае абмеркаванне.

Закон уваходзіць у дзеянне з 1 студзеня 2015 года.