Лукашэнка: Беларусь застаецца вернай саюзніцкаму абавязку ў АДКБ

Беларусь была і застаецца вернай саюзніцкаму абавязку ў Арганізацыі Дамовы аб калектыўнай бяспецы.

Пра гэта заявіў сёння Аляксандр Лукашэнка на сустрэчы кіраўнікоў дзяржаў - членаў АДКБ, паведамляе БелТА.

Дыктатар мяркуе, што менавіта практычная накіраванасць дзейнасці АДКБ з'яўляецца закладам яе паспяховага развіцця. «Бо АДКБ створаная і павінна служыць для абароны агульных інтарэсаў дзяржаў-сябраў», - адзначыў ён.

На думку Аляксандра Лукашэнкі, па меры пашырэння і развіцця агульнай эканамічнай прасторы ў фармаце Еўразійскага эканамічнага саюза, членскі склад якога ўжо практычна ідэнтычны складу АДКБ, узрастае важнасць абароны эканамічных інтарэсаў.

«Для гэтага могуць быць выкарыстаныя існуючыя ў АДКБ механізмы ўзаемадзеяння спецыяльных і іншых службаў, здольныя стварыць заслон арганізаваным злачынным групоўкам, якія ўжо сёння спрабуюць знайсці шчыліны і выкарыстоўваць новыя эканамічныя ўмовы ў сваіх злачынных мэтах», - мяркуе ён.

Аляксандр Лукашэнка зычыў поспехаў Эмамалі Рахмону, які прымае старшынства ў Арганізацыі ў важны і асаблівы год - 70-й гадавіны Перамогі над фашызмам у Вялікай Айчыннай вайне. «Знакавая і памятная для ўсіх дата звязвае нас не толькі агульнай гісторыяй, але і накладае дадатковыя маральныя абавязацельствы і адказнасць за захаванне міру ў нашым рэгіёне», - падкрэсліў ён.

Нагадаем, 4 лютага 2009 г. удзельнікі АДКБ узгаднілі і падпісалі праект пастановы ў стварэнні Калектыўных сіл аператыўнага рэагавання. Іх мяркуецца выкарыстаць для «адлюстравання ваеннай агрэсіі, правядзення спецыяльных аперацый у барацьбе з міжнародным тэрарызмам, транснацыянальнай арганізаванай злачыннасцю, наркатрафікам, а таксама для ліквідацыі наступстваў надзвычайных сітуацый. Апазіцыйныя лідары Беларусі першапачаткова асуджалі падпісанне дамовы аб стварэнні КСАР АДКБ, і называлі іх карнымі сіламі, якія будуць абараняць дыктатараў СНД. Стварэнне гэтых сіл супярэчаць нейтральнаму статусу Беларусі і Канстытуцыі Рэспублікі Беларусь.

Фота: AP