Аляксей Кудрын: Гэта сапраўдны крызіс і ён будзе зацяжным

Крызіс, што накрыў Расею, будзе адрознівацца ад папярэдніх вастрынёю і працягласцю.

Пра гэта заявіў былы міністр фінансаў, кіраўнік Камітэта грамадзянскіх ініцыятыў Аляксей Кудрын, паведамляе РБК.

«Прагнозы, якія я даў аб падзенні ВУП у аптымістычным варыянце да 2%, а ў песімістычным да 4% ужо пацверджаныя афіцыйнымі прагнозамі, як ЦБ, так і Мінэкам», - заявіў ён.

Са слоў былога міністра фінансаў, гэта «сапраўдны крызіс» і ён будзе зацяжным: «Два гады - ужо немаленькі тэрмін. Далей, магчыма, будзе доўжыцца стагнацыя», - прагназуе Кудрын. Як доўга працягнецца рэцэсія - залежыць ад таго, ці дамовіцца Расея аб «паслабленні санкцый» і ці зможа яна рэфармаваць сваю эканоміку, разважае ён.

Меры, якія ўрад прымае, каб палегчыць мінанне крызісу могуць толькі падоўжыць «нашу стагнацыю», - асцерагаецца Кудрын, маючы на ўвазе прапановы Мінэканамразвіцця марнаваць Рэзервовы фонд, няправільна выбіраць прыярытэты пры скарачэнні выдаткаў бюджэту і праграму імпартазамяшчэння.

«Скарачэнне дзяржвыдаткаў, пра якія па сутнасці ўжо абвешчана, закране не абаронныя і не сацыяльныя артыкулы. Будуць скарачацца тыя напрамкі, якія звязаны з уздымам эканомікі - [выдаткі] на інфраструктуру, адукацыя і якасць падрыхтоўкі рабочых кадраў, ахова здароўя, на ўсё, што забяспечвае якасць чалавечага капіталу», - кажа Кудрын.

Кудрын крытыкуе абвешчаны ўрадам курс на імпартазамяшчэнне. Расплачвацца за гэтую памылку прыйдзецца грамадзянам, папярэджвае ён: «Калі мы гаворым аб імпартазамяшчэнні ў выніку дэвальвацыі, трэба аддаваць сабе справаздачу ў тым, што кошты на заходнія аналагі стануць высокімі, што расейскія прадпрыемствы змогуць падняць кошты на прадукцыю пакуль яшчэ больш нізкай якасці, мабілізаваць выручку, інвеставаць яе ў новую вытворчасць і праз 5-10 гадоў атрымаць блізкія па якасці аналагі, многія з якіх не будуць лепшыя, чым на Захадзе. То бок, гэта я - грамадзянін за кошт высокіх коштаў буду забяспечваць імпартазамяшчэнне».

Паводле слоў Кудрына, ідэя імпартазамяшчэння можа спрацаваць толькі ў невялікай колькасці галін. Перш за ўсё, гаворка ідзе аб абаронным комплексе, таму што ён у поўнай меры будзе карыстацца ільготамі. «Прыватнаму сектару будзе вельмі цяжка канкураваць - у такіх кампаній заўсёды будзе больш выдаткаў, чым у заходніх канкурэнтаў. Таму я бачу сур'ёзныя фактары тармажэння развіцця Расеі», - кажа кіраўнік КГІ.

Кудрын кажа пра неабходнасць рэфармаваць бюджэтны працэс. Кошт нафты, хутчэй за ўсё, у доўгатэрміновай перспектыве будзе ніжэйшы за той ўзровень, «да якога мы прывыклі», тлумачыць былы міністр фінансаў. Ягоныя прагноз - блізу $75-80 за барэль. «Гэта будзе азначаць, што агульны ўзровень узятых на сябе абавязанняў завышаны», а значыць, яго давядзецца зніжаць, папярэджвае ён: «Мы павінны перайсці да больш сучаснай структуры бюджэту, якая працавала б на рост».

Тая, антыкрызісная праграма, якая эфектыўна спрацавала ў 2008 годзе, у цяперашні крызіс можа не прывесці да гарантаваных выніках, папярэджвае Кудрын. Узяць і паўтарыць тую праграму цяпер «было б памылкай».

Улады, наадварот, збіраюцца рэанімаваць пакет антыкрызісных мер 2008-2009 гг, распавядаў на мінулым тыдні ў інтэрв'ю РБК міністр эканамічнага развіцця Аляксей Улюкаев. «Неабходна павелічэнне аб'ёмаў бюджэтных гарантый і спрашчэнне механізмаў іх надавання на аналогію з тымі, якія былі ў 2008 годзе для сістэмаўтваральных прадпрыемстваў рэальнага сектара», - заявіў міністр.

Ва ўрада яшчэ ёсць шанец пераламаць сітуацыю, але для гэтага трэба вяртаць давер да сябе расейскай бізнэс-супольнасці, мяркуе Аляксей Кудрын: «Давер да палітыкі дзяржавы і ўрада, а не толькі да антыкрызісных мер». Але пакуль даверу да палітыкі ўладаў няма. ЦБ ж, на думку былога міністра фінансаў, у сітуацыі, якая склалася павінен засяродзіцца выключна на ўласных функцыях: «Калі ЦБ пойдзе на льготныя крэдыты для прамысловасці, тады эфект ад падвышэння ключавой стаўкі будзе мінімальным. ЦБ павінен думаць выключна аб грашовай палітыцы, пра курс і пра інфляцыю - а не аб падтрымцы асобных галін».