Улады Беларусі рыхтуюцца да афіцыйнай дэвальвацыі

Пастанова Нацбанка аб зніжэнні велічыні валютнага збору была непазбежнай.

Пра гэта заявіў фінансавы аналітык даследчай групы BusinessForecast.by Аляксандр Муха, піша БелаПАН.

З ягоных слоў, у трэцяй дэкадзе снежня праз павелічэння (з 30% да 50%) сумы абавязковага продажу валютнай выручкі і ўстанаўлення збору пры куплі валюты (30%) экспарцёрам станавілася нявыгадна прадаваць замежную валюту на ўнутраным рынку.

«Экспарцёры былі пастаўленыя ў сітуацыю, калі, з аднаго боку, яны павінны былі прадаваць валюту паводле афіцыйнага курсу і купляць яе з улікам 30-адсоткавага валютнага збору. Праз такую сітуацыю экспарцёры не былі зацікаўлены ў вяртанні валютнай выручкі ў краіну і былі матываваныя падаўжаць тэрміны завяршэння замежнагандлёвых угод», - падкрэсліў Муха.

Пастановы аб зніжэнні велічыні валютнага збору і павелічэнні афіцыйнага курсу даляра - непазбежныя крокі, на якія неабходна было пайсці для павышэння прывабнасці для экспарцёраў валютна-абменных аперацый на ўнутраным рынку, мяркуе фінансавы аналітык.

«Прынятыя пастановы - сігнал экспарцёрам, стымулюючы іх вяртаць валюту ў краіну. Цяпер у экспарцёраў будзе менш стымулаў прытрымліваць валютную выручку, і яны змогуць атрымаць больш рублёў на ўнутраным рынку за продаж валюту», - адзначыў Муха.

Пры гэтым ён дадаў, што павышэнне афіцыйнага курсу даляра - правільны крок і з пункту гледжання курсавой палітыкі, накіраваны на ліквідацыю множнасці курсаў беларускага рубля.

«У адрозненне ад 2011 года на гэты раз ўлады не маюць намер зацягваць перыяд множнасці курсаў беларускага рубля і бліжэйшым часам, трэба меркаваць, выйдуць на адзіны курс. Зніжэнне валютнага збору - падрыхтоўчы крок да афіцыйнай дэвальвацыі беларускага рубля. Выхад на адзіны курс дазволіць спыніць «ценявыя» аперацыі на валютным рынку, якія ў апошні час актывізаваліся», - адзначыў эксперт.

Нагадаем, 19 снежня Нацбанк абвясціў аб увядзенні 30-адсоткавага збору, які абавязаны выплачваць фізічныя і юрыдычныя асобы пры куплі замежнай валюты. Пасля гэтага на валютным рынку ўтварылася множнасць курсаў беларускага рубля: курсы на наяўным і біржавым рынку істотна адрозніваліся. 29 снежні Нацбанк абвясціў аб зніжэнні валютнага збору да 20% і выказаў гатоўнасць зніжаць велічыню гэтага збору надалей.

Фота: tut.by