Улады перадумалі ўводзіць спецімпарцёраў

Міністэрства прамысловасці адступіла.

Пра гэта паведамляе прэс-служба Міністэрства прамысловасці Беларусі.

«Міністэрства прамысловасці пасля разгляду з зацікаўленымі рэспубліканскімі органамі дзяржаўнага кіравання пытання аб наданні выключнага права дзяржавы на продаж імпарту шэрагу прамысловых тавараў, працу для падрыхтоўкі нарматыўнага дакумента ўважае за немэтазгодную, увядзенне спецімпарцёраў у далейшым не плануецца», - гаворыцца ў паведамленні.

Нагадаем, урад Беларусі выступіў з прапановай на паўгода абмежаваць імпарт тавараў, аналагі якіх вырабляюцца ў нас у краіне.

Адпаведны праект указа быў распрацаваны ў Міністэрстве прамысловасці. З 1 ліпеня прадпрыемствы Мінпрама маглі б атрымаць выключнае права ад дзяржавы на ўвоз у нашую краіну аўтамабіляў, бытавой і телерадыётэхнікі, шын, рухавікоў і іншых тавараў.

Згодна з праектам указа, які павінен быў быць узгоднены да 23 чэрвеня, спецімпарцёрамі маглі б стаць МАЗ, МТЗ, «Белшына», «Гарызонт», «Атлант»; усяго 12 дзяржаўных прадпрыемстваў.