Кошт нафты маркі Brent абваліўся ніжэй за $49

Кошт нафты маркі Brent падчас таргоў на лонданскай біржы пабіў шасцігадовы рэкорд.

Ён апусціўся ніжэй за $49 за барэль. Кошт нафты працягнуў падаць на фоне паніжэння прагнозу аналітыкаў Goldman Sachs Group Inc што да коштаў нафты марак Brent і WTI.

А 10:24 паводле Менску ў панядзелак кошт ф'ючэрсаў маркі Brent з пастаўкай у лютым на біржы ICE Futures склаў $48,97 за бар. Гэта абсалютны рэкорд з красавіка 2009 года. Тады барэль нафты Brent каштаваў на лонданскай біржы $47,26, піша РБК.

Нафта працягвае таннець на фоне прагнозу аналітыкаў Goldman Sachs Group Inc., якія панізілі прагноз што да коштаў нафты марак Brent і WTI, паведамляе Bloomberg. У прагнозе гаворыцца, што кошты нафты павінны заставацца на ўзроўню блізу $40 за бар. цягам першага паўгоддзя 2015 года, каб справакаваць скарачэнне інвестыцый у сланцавага галіна ЗША.

Прагноз кошту нафты Brent на бліжэйшыя тры месяцы быў паніжаны Goldman да $42 з $80 за бар.

«Рынак па-ранейшаму сфакусаваны на чаканнях празмерных паставак нафты на сусветны рынак, - мяркуе аналітык CMC Markets у Сіднэі Майкл Макарці. На ягоную думку, варта адзначыць значныя аб'ёмы таргоў, якія кажуць аб прыхільнасці трэйдараў далейшай продажы, нягледзячы на гэтак нізкія ўзроўні коштаў.

Раней аналітыкі Bank of America Merrill Lynch распаўсюдзілі прагноз, у якім гаворыцца, што ў кароткатэрміновыя перыяды нафта маркі Brent патаннее да $40 за бар. На думку экспертаў, кошт амерыканскай нафты WTI зваліцца да $35 за бар., перадаваў Reuters. Усё гэта прывядзе да таго, што скарачаць здабычу давядзецца альбо Саудаўскай Аравіі, альбо краінам, якія не ўваходзяць у АПЕК, гаворыцца ў аналітычнай запісцы.

Аўтары тэксту мяркуюць, што нафтавы рынак зможа намацаць дно, толькі калі краіны, што ўваходзяць у АПЕК абмяжуюць пастаўкі, сябры картэлі знізяць здабычу і адбудзецца глабальнае ўзмацненне попыту. Аднак ні адно з гэтых патрабаванняў пакуль не задаволенае, гаворыцца ў прагнозе.