Лукашэнка дазволіў Мінгандлю ўручную павысіць некаторыя цэны

Дыктатар сёння дазволіў Мінгандлю пасля сустрэч з прадстаўнікамі бізнэсу ўручную павышаць замарожаныя цэны на некаторыя групы тавараў.

«Калі мы дзесьці ўручную пачалі нешта рэгуляваць, так знайдзіце час пагаварыць з бізнэсмэнамі, асабліва гэта датычыцца гандлю, каб яны вам распавялі, дзе якія праблемы, і ў вас ёсць усе паўнамоцтвы для таго, каб там пасунуцца», - заявіў сёння Лукашэнка, выступаючы ў «парламенце», піша АФН.

«Хаця я тут не бачу таксама ніякіх праблем (з замарожваннем коштаў)», - дадаў ён.

«Прымаючы гэтую пастанову, я перш за ўсё меў на ўвазе тое, што ў нас непараўнальна з мінулымі крызісамі таннейшыя рэсурсы. Таму нічога страшнага няма, калі мы пратрымаемся на гэтым узроўні коштаў. Мы іх не зніжаем, але, можа, дзесьці і ўручную прыйдзецца іх адрэгуляваць на асобныя групы тавараў. У гэтым няма ніякага страху», - удакладніў Лукашэнка.

Нагадаем, Мінгандлю забараніў падымаць цэны на няпэўны час.