З кім сустракаўся Макей?

Кіраўнік МЗС Беларусі правёў засакрэчаную сустрэчу з «экспертамі, якія займаюцца міжнароднай праблематыкай».

У беларускім МЗС 21 студзеня адбылася сустрэча міністра замежных спраў Уладзіміра Макея з прадстаўнікамі экспертнай супольнасці, якія займаюцца міжнароднай праблематыкай.

Паводле звестак прэс-службы ведамства, адбылося абмеркаванне актуальных пытанняў замежнай палітыкі краіны, яе прыярытэтаў, праблемных пытанняў, існых выклікаў і пагроз.

«Удзельнікамі мерапрыемства выказаная зацікаўленасць у стварэнні рэгулярнага фармату ўзаемадзеяння МЗС і прадстаўнікоў экспертнай супольнасці Рэспублікі Беларусь, правядзенні такіх сустрэч на пастаяннай аснове», - гаворыцца ў прэс-рэлізе.

Склад удзельнікаў сустрэчы не называецца.

Фота: Reuters