Украіна абвясціла жалобу па загінулых у Марыупалі

Памяць загінулых грамадзян а 12 гадзіне ўшануюць хвілінай маўчання.

У сувязі з гібеллю мірных жыхароў Марыупалі 24 студзеня 2015 г. у выніку масіраванага абстрэлу жылых раёнаў горада баявікамі ва Украіне аб'яўлены дзень жалобы. Аб гэтым паведамляецца на сайце прэзідэнта. Адпаведны Указ № 30/2015 Пётр Парашэнка падпісаў сёння ноччу, піша УНИАН.

Памяць загінулых грамадзян а 12 гадзіне будзе ўшанавана хвілінай маўчання. На дамах і будынках органаў дзяржаўнай улады, мясцовага самакіравання, дзяржаўных прадпрыемстваў, устаноў і арганізацый на ўсёй тэрыторыі Украіны будзе прыспушчаны дзяржаўны сцяг.

Таксама ў дакуменце адзначаецца неабходнасць скасавання забаўляльна-канцэртных мерапрыемстваў, спартыўных спаборніцтваў, унясенне адпаведных змяненняў у праграмы тэле- і радыёперадач.