Даляр прадаўжае імклівы рост - Br15 310

На валютных таргах даляр ЗША ўмацаваўся адразу на 210 рублёў і склаў 15 310 рублёў.

Такім чынам, у абменніках курсы могуць падняцца да 15 615 рублёў.

Еўра таксама вырас - на 310 рублёў, да 17 220 беларускіх. Кошт расейскай валюты апусціўся на 3 пункты - да 226,5 беларускага рубля.

Нагадаем, у панядзелак даляр таксама падаражэў на 190 рублёў - да 15 100 беларускіх. За месяц дэвальвацыя беларускага рубля склала 40%. Нягледзячы на ўяўную стабілізацыю курсу, даляраў у абменніках у свабодным доступе дагэтуль няма. Каля банкаў стаяць чэргі жадаючых набыць даляры і еўра ў чаканні, калі хтосьці прадасць іх банку.