The Washington Post: ЗША павінны падаць прыклад NATO і дапамагчы Украіне зброяй

Урад ЗША павінен змяніць сваю палітыку і пачаць надаваць вайсковую дапамогу Украіне.

Пра гэта піша былы амбасадар ЗША ва Украіне Стывен Пайфэр у выданні The Washington Post, паведамляе gordonua.com.

Белы дом і Кангрэс павінны ўкласці сур'ёзныя сродкі ў абарону Украіны: $1 млрд на вайсковую дапамогу ў гэтым фінансавым годзе, а затым яшчэ па $1 млрд у 2016-м і 2017 фінансавым годзе. Кангрэс павінен не толькі пагадзіцца на дапамогу, як гэта было ў "Акце аб падтрымцы свабоды ва Украіне" ў мінулым годзе, але і стварыць адпаведны бюджэт. На думку экспэрта, Злучаным Штатам неабходна пачынаць надаваць Украіне вайсковую дапамогу ў выглядзе ўзбраення.

"Урад ЗША павінен змяніць сваю палітыку і пачаць прадстаўляць вайсковую дапамогу Украіне, каб быць упэўненым, што большасць з вышэйпералічаных сродкаў не пойдзе на вайсковыя патрэбы", - піша выданне.

У прыклад Пайфэр прыводзіць той факт, што ўкраінскае войска востра мае патрэбу ў РЛС контрбатарэйнай барацьбы, каб дакладна вызначыць крыніцу артылерыйскага агню праціўніка, які з'яўляецца прычынай 70% ахвяр. Украінскія вайскоўцы маюць патрэбу ў абарончых узбраеннях, дадае экспэрт.

Пайфэр упэўнены, што калі ўрад ЗША звернецца да іншых дзяржаў - сябраў NATO па дапамогу Украіне, то яны прыслухаюцца. "Калі Злучаныя Штаты прымуць меры ў наданні вайсковай дапамогі, то некаторыя іншыя краіны NATO, напэўна, зробяць тое ж самае", - адзначае экспэрт.

У канцы артыкула Пайфэр рэзюмуе, што "час не церпіць" і з прыходам вясны баявыя дзеянні на ўсходзе Украіны могуць дасягнуць новай сілы, таму ЗША павінны дапамагчы Украіне стрымаць гэты працэс.

Нагадаем, 18 снежня прэзідэнт ЗША Барак Абама падпісаў "Акт аб падтрымцы свабоды ва Украіне". У законапраекце гаворка ідзе аб пашырэнні вайсковай падтрымкі Украіны - наданні супрацьтанкавага і іншага ўзбраення, антыартылерыйскіх радараў, беспілотных лятальных апаратаў і іншага вайсковага абсталявання. Сенатары ўзгаднілі выдаткі дзяржбюджэту на гэтыя патрэбы: $100 млн на 2015 фінансавы год і па $125 млн на 2016-й і 2017 гады.