У банках на продаж ёсць толькі здадзеная беларусамі валюта

У сталічных абменных пунктах можна купіць толькі даляры і расейскія рублі, здадзеныя насельніцтвам.

Пра гэта паведамляе РІА «Новости» са спасылкай на супрацоўнікаў камерцыйных банкаў.

Беларускія ўлады распачалі шэраг адміністрацыйных спраў, каб збіць у канцы мінулага года ажыятажны попыт насельніцтва на замежную валюту. Прынамсі, быў уведзены часовы 30% збор на куплю валюты фізічнымі асобамі, гэтая стаўка была абнуленая ў тры этапы ўжо 8 студзеня. Нацбанк таксама даў справаздачу, што замовіў валюту ў замежных партнёраў для кампенсацыі яе недахопу ў абменніках.

Камерцыйным банкам таксама было рэкамендавана вярнуцца да двухадсоткавага валютнага калідора пры фармаванні курсаў куплі-продажу валют. На 10 студзеня ўстаноўлены афіцыйны курс у 14060 беларускіх рублёў за даляр ЗША і 16570 рублёў за адзін еўра. Максімальны курс куплі даляра камерцыйнымі банкамі ў пятніцу склаў 14250 рублёў, мінімальны – 13485.

Між тым, з назірання карэспандэнта агенцтва, які наведаў дзясятак абменных пунктаў у цэнтры беларускай сталіцы і яе спальных раёнаў, у касах ёсць толькі невялікія сумы ў далярах (ад 100 да 500) і расейскіх рублях, якія здае насельніцтва. Ні ў адным з апытаных журналістам агенцтва банку гатоўкі еўра не выявілася. Прасцей за ўсё знайсці валюту ў абменных пунктах, размешчаных у гандлёвых цэнтрах.

У сваю чаргу паводле звестак Нацбанку ў навагоднія святы насельніцтва з чыстага пакупніка стала чыстым прадаўцом валюты: паводле афіцыйных звестак у пачатку года ў Беларусі было прададзена на чыстай аснове на 35,4 мільёна даляраў у эквіваленце (у тым ліку 23,6 мільёна гатоўкай).