Раман Бяссмертны: Спецслужбы РФ пачалі ў Беларусі дэзінтэграцыйныя працэсы

Беларусь «кінуць у гульню, каб тарпедаваць краіны Балтыі».

Пра гэта падчас бестэрміновага тэлемарафона «Украина превыше всего» ў эфіры «5 канала» заявіў Надзвычайны і Паўнамоцны пасол Украіны ў Рэспубліцы Беларусь (2009 - 2010), экс-віцэ-прэм'ер міністр Украіны Раман Бяссмертны, паведамляе Цензор.нет.

«Унутры самой Беларусі пачаліся вельмі сур'ёзныя дэзінтэграцыйныя працэсы, прычым яны ў большай ступені накіраваны супраць самога Лукашэнкі», - сказаў ён.

«Лёс Беларусі, як і лёс Лукашэнкі, знаходзіцца ў руках Крамля. Відавочна наступіў момант, калі яе (Беларусь) «кінуць у гульню», каб тарпедаваць балтыйскія краіны», - дадаў Бяссмертны.