Магерыні: ЕЗ прадаўжае падрыхтоўку новых санкцый супраць Расеі

Кіраўніца еўрапейскай дыпламатыі пракаментавала пазіцыю Брусэля з нагоды парушэння менскіх дамоўленасцей.

Еўрапейскі звяз прадаўжае падрыхтоўку новых санкцый супраць Расеі. Пра гэта высокая прадстаўніца ЕЗ у пытаннях замежнай палітыкі і палітыкі бяспекі Федэрыка Магерыні паведаміла журналістам.

"Гэта - у працэсе. Мы ўвесь час працуем над гэтым. Пасля атакі ў Марыупалі мы пастанавілі, што міністры замежных спраў прадоўжаць гэтую працу", - цытуе Магерыні УНІАН.

Кіраўніца еўрапейскай дыпламатыі падкрэсліла, што Еўразвяз таксама засяроджваецца на тым, як можна дапамагчы, каб менскія дамоўленасці былі выкананыя. "Наша адзнака (выканання) не з'яўляецца пазітыўнай ці негатыўнай. Цалкам відавочна, што сітуацыя на месцах за апошнія дні была спакайнейшай, чым раней, але яшчэ ёсць парушэнні рэжыму спынення агню, а назіральнікі ад АБСЕ не маглі кантраляваць вывад цяжкага ўзбраення", - дэталізаваць яна.

Са слоў Магерыні, сітуацыя ва Украіне і выкананне менскіх дамоўленасцей будуць прадметам абмеркавання на нефармальным пасяджэнні міністраў замежных спраў краін ЕЗ у пятніцу, 6 сакавіка, у Рызе, а таксама 16 сакавіка на пасяджэнні Рады замежных справах ЕЗ для таго, каб падрыхтаваць саміт Еўразвязу.

Нагадаем, прэзідэнт ЗША Барак Абама у аўторак, 3 сакавіка, сваім указам прадоўжыў санкцыі супраць Расеі. Адпаведны дакумент размешчаны на афіцыйным сайце Белага дома. Перад гэтым Абама правёў відэаканферэнцыю аб сітуацыі ва Украіне з лідарамі чатырох краін Еўразвязу - Францыі, Нямеччыны, Італіі і Вялікабрытаніі і з кіраўніком Еўракамісіі. Лідары дзяржаў прыстрашылі Маскву моцнай рэакцыяй у адказ на зрыў пагадненняў у Менску ад 12 лютага.

Фота: Reuters