Арыштаваны за салідарнасць з Украінай беларус працаваў на расейскім вайсковым заводзе

Працуючы ў Ніжнім Ноўгарадзе пад пільным вокам ФСБ, Кірыл Сілівончык выстаўляў праўкраінскі паведамленні і ілюстрацыі.

23-гадовы выхадзец Светлагоршчыны быў супрацоўнікам «170-га рамонтнага завода сродкаў забеспячэння палётаў». Установа функцыянуе пры кампаніі «Авіарамонт». Як высветліла «Еўрарадыё», у яе савет дырэктараў ўваходзяць пераважна функцыянеры расейскага Міністэрства абароны. Ды і працуе завод амаль выключна на патрэбы войска.

Ва ўмовах татальнай антыўкраінскай прапаганды

погляды Кірылы Сілівончыка, мабыць, не маглі не прыцягнуць увагу з боку яго калег. Тым больш што старонка беларуса ў сацсетках была адкрытай.

Нагадаем, што ў пачатку красавіка Кірыл Сілівончык быў асуджаны Маскоўскім акруговым вайсковым судом. Яму далі два гады калоніі-пасялення за салідарнасць з Украінай у сацыяльных сетках, якую суд патлумачыў як «тэрарыстычную дзейнасць».