Пасол Канады ў Польшчы падпісала паштоўкі беларускім палітвязням

Супрацоўнікі амбасады Канады ў Польшчы сустрэліся з беларусамі.

Сустрэча, як паведамляе карэспандэнт charter97.org, прайшла ў Беларускім доме ў Варшаве. У ёй узялі ўдзел дарадца амбасады Канады ў Польшчы Памэла Айсфелд, супрацоўніца амбасады Ёланта Відэнка, лідэр грамадзянскай кампаніі «Еўрапейская Беларусь» Андрэй Саннікаў, каардынатар грамадзянскай кампаніі «Еўрапейская Беларусь» Зміцер Бандарэнка, супрацоўніца Беларускага дома ў Варшаве Юлія Бандарэнка. Дыпламаты перадалі офісу грамадзянскай кампаніі «Еўрапейская Беларусь» аргтэхніку, а таксама паштоўку для былога кандыдата ў прэзідэнты Беларусі Мікалая Статкевіча, падпісаную паслом Канады ў Польшчы Аляксандрай Бугайліскіс.

«Я вельмі расчараваная і засмучаная інфармацыяй аб новым прысудзе, які вы атрымалі. Зычу вам далей заставацца моцным і мужным дзеля свабоднай і дэмакратычнай Беларусі», - зазначыла пасол.

Паштоўкі таксама падпісала дарадца дыпмісіі Памэла Айсфелд.

«Хацела б выказаць сваю падтрымку і ўстурбаванасць сітуацыяй з палітычнымі вязнямі Беларусі - Мікалаем Статкевічам, Ігарам Аліневічам, Мікалаем Дзядком, Яўгенам Васьковічам, Арцёмам Пракапенкам, Юрыем Рубцовым. Канада па-ранейшаму намагае на іх безумоўным вызваленні», - напісала яна.

Лідэр грамадзянскай кампаніі «Еўрапейская Беларусь» Андрэй Саннікаў падзякаваў дыпламатам за салідарнасць з беларусамі.

«Я дзякую пасольству Канады за падтрымку. Хацелася б адзначыць, што вашая краіна заўсёды паслядоўна бараніла дэмакратычныя прынцыпы і намагала на выкананні правоў чалавека ў Беларусі. Гэтая падтрымка вельмі важная, перш за ўсё, для палітвязняў, якім цяпер вельмі цяжка, а таксама - для ўсёй грамадзянскай супольнасці Беларусі», - заявіў ён.

Каардынатар грамадзянскай кампаніі «Еўрапейская Беларусь» Зміцер Бандарэнка падкрэсліў важнасць міжнароднай падтрымкі для беларускіх палітвязняў. Палітык падаў уласны прыклад.

«Як былы палітвязень хацеў бы сказаць, наколькі важнай з'яўляецца такая падтрымка для іх. Калі я сядзеў у турме, часам за дзень атрымліваў да 200 лістоў - гэта больш, чым усе астатнія вязні, разам узятыя», - сказаў Зміцер Бандарэнка.

Супрацоўнікі амбасады Канады таксама перадалі офісу грамадзянскай кампаніі «Еўрапейская Беларусь» аргтэхніку.