Абаронца менскага «Дынама»: Байкот – правільная пастанова

Сяргей Паліцэвіч разумее матывацыю фанатаў, якія заклікаюць байкатаваць хатнія матчы менскага «Дынама».

Пра гэта футбаліст заявіў на прэс-канферэнцыі, прысвечанай заўтрашняму матчу з балгарскім «Чорна Мора», піша «Прессбол».

«У нядзелю мы гулялі кубкавы матч са «Смалявічамі-СТІ». Атмасфера была прыкладна такая, як на трэніроўцы. Людзі не хочуць хадзіць на футбол праз металашукальнікі, іх можна зразумець. Напэўна, байкот - гэта правільная пастанова. Але, натуральна, камандзе гэта перашкаджае», - адзначыў Сяргей Паліцэвіч.