Чэшскі і славацкі еўрадэпутаты з паўслова разумеюць сітуацыю ў Беларусі

Галоўная рэдактарка «Хартыі-97» працягвае сустрэчы ў Еўрапарламенце.

Пра гэта Наталля Радзіна напісала на сваёй старонцы ў Facebook.

«Сустрэлася з дэпутатамі Еўрапарламента ад Чэхіі і Славакіі Ярамірам Шчэцінам і Іванам Штэфанцэм. Для іх «Хартыя-97» - гэта не толькі вядомы беларускі незалежны сайт, але і працяг чэхаславацкай ініцыятывы «Хартыя-77».

Еўрадэпутаты з паўслова разумеюць сітуацыю ў дыктатарскай краіне, разумна ацэньваюць Лукашэнку і гатовыя актыўна ўдзельнічаць у міжнароднай кампаніі ў падтрымку сайта Charter97.org.

Ярамір Шчэціна, дарэчы, разам з Вацлавам Гавэлам пісаў лісты падтрымкі беларускім палітвязням пасля 19 снежня 2010 года», - напісала Наталля Радзіна.