Рэпарцёры без межаў: Цэнзура ў Беларусі выйшла на новы ўзровень
1- 25.04.2018, 15:55
- 19,456
Міжнародная арганізацыя адзначыла падзенне ўзроўню свабоды прэсы ў Беларусі ў 2017 годзе.
Як гаворыцца ў аналізе сусветнага індэкса свабоды друку, наша краіна пагоршыла становішча са свабодай прэсы і апусцілася ў рэйтынгу 2018 на дзве пазіцыі ў параўнанні з паказчыкам 2017 года (155 месца супраць 153). Суседзямі ў рэйтынгу сталі такія краіны, як Брунэй і Руанда. Улічваючы, што рэйтынг складаецца з 180 краін, і Беларусь «пляцецца» ў яго канец - сітуацыя са свабодай прэсы відавочная.
«У 2017 годзе было арыштавана больш за 100 журналістаў, як правіла, пры асвятленні акцый пратэстаў, якія праводзяцца апазіцыяй. Некаторыя з іх былі збітыя, іншыя былі адпраўленыя ў турму. Пераслед пазаштатных журналістаў, якія працуюць у незалежных СМІ, размешчаных за мяжой, і не маюць магчымасці атрымаць акрэдытацыю ў Беларусі, дасягнула беспрэцэдэнтнага ўзроўню», - гаворыцца ў справаздачы «Рэпарцёраў без межаў».
Там таксама адзначаецца блакаванне інтэрнэт-СМІ, што, на думку экспэртаў, сведчыць аб выхадзе цэнзуры ў Беларусі на новы ўзровень.
Сур'ёзным падзеннем індэкса свабоды прэсы вызначыліся Расея і Турцыя, але агулам постсавецкая прастора з'яўляецца адным з лідараў несвабоды прэсы ў свеце. Зрэшты, арганізацыя адзначае, што нават у дэмакратычных краінах пасля змены ўлады сітуацыя з СМІ пагоршылася: Дональд Трамп, напрыклад, абвінавачаны ў перадузятым стаўленні да журналістаў.
Нагадаем, што ў Беларусі сёлета плануецца прыняць шэраг паправак у Закон аб СМІ. Улады намагаюць, што папраўкі закліканыя рэгуляваць спрэчныя месцы інтэрнэту і даступнасць патэнцыйна небяспечнай інфармацыі, праваабаронцы ўпэўненыя - дзяржава гатовая цалкам перакрыць кісларод незалежным СМІ.
Нагадаем, што 24 студзеня рэжым Лукашэнкі заблакаваў незалежны інфармацыйны рэсурс Charter97.org. Блакаванне пацвердзіў першы намеснік міністра інфармацыі Ігар Луцкі. Міністэрства інфармацыі ўзначальвае Аляксандр Карлюкевіч.
Абысці блакаванне можна і вось інструкцыі:
- Самы просты спосаб чытаць «Хартыю'97»
- Як абысці блакаванне сайта «Хартыя-97»
- Як абысці блакаванне сайта на Android і iOS
