Павел Селін: Дыктатура ніколі не бывае вечнай

Галоўнае - не быць абыякавымі.

Вядомы расейскі журналіст Павел Селін павіншаваў сайт Charter97.org з 20-годдзем.

– Добры дзень, дарагія сябры! Мяне клічуць Павел Селін, я журналіст і тэлевізійны вядоўца.

На днях спаўняецца 20 гадоў сайту Charter97.org. Гэта не проста нейкія чарговыя лічбы, не проста юбілей.

Гэта 20 гадоў прыкладу таго, як у самых складаных, часам смяротна небяспечных умовах трэба выконваць свой чалавечы і журналісцкі абавязак, апавядаючы людзям праўду.

Для мяне «Хартыя-97» – гэта, бадай, адна з галоўных, а можа быць, і галоўная крыніца інфармацыі пра тое, што адбываецца на самай справе ў Беларусі.

Але, вядома, гэта ў першую чаргу і мае сябры. Мае вельмі блізкія сябры, якія стваралі «Хартыю-97» і цяпер працуюць у ёй, падтрымліваюць яе – кожны дзень, кожную секунду.

Я вельмі хваляваўся за іх, калі да іх урываліся ў кватэры і рэдакцыі, калі іх збівалі, калі іх кідалі ў турму і мучылі там. Калі яны вымушаныя былі ўцякаць за мяжу і рабіць сваю справу ўжо ўдалечыні ад Радзімы.

Цяпер ім вельмі нялёгка. «Хартыя-97» у цяжкім фінансавым становішчы. Раўчукі дапамогі ад розных еўрапейскіх фондаў вычэрпваюцца, і таму віной – так званая «рэальная палітыка».

Вы ведаеце, я цяпер знаходжуся ў камандзіроўцы, высока ў гарах, і мне прыйшло ў галаву такое параўнанне: «Хартыя-97» – гэта тонкае горнае дрэўца, якое ўсімі сіламі чапляецца за горны схіл. Яго ціснуць лавінамі таталітарызму, яго завальваюць вострымі камянямі рэпрэсій... Але самае галоўнае – каб яго не засыпала пяском нашай абыякавасці.

Дапаможам "Хартыі" разам – хто як можа, хто колькі можа. Давайце павіншуем "Хартыю" з юбілеем.

Сябры, здароўя вам, сілаў, поспеху, цвёрдасці духу!

Дыктатура ніколі не бывае вечнай. Жыве Беларусь!

Нагадаем, 3 верасня галоўная рэдактарка Наталля Радзіна заявіла пра пагрозу працы сайта «Хартыя-97» праз рэзкае скарачэнне фінансавання і заклікала чытачоў да салідарнасці. Вы можаце дапамагчы сайту наступным чынам:

АХВЯРАВАННЕ ПРАЗ PAYPAL:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка:Bank Millennium S. A.

Адрас: ul. Stanislawa Zaryna, 2A, 02-593, Warszawa

IBAN: PL 97 1160 0000 2202 0002 1671 1123

SWIFT: BIGBPLPW

Імя ўладальніка рахунку: Fundacja «KARTA '97»

Прызначэнне аплаты: Darowizna na cele statutowe

Звязацца з намі можна праз адрас charter97@gmail.com