Інфекцыяніст расказаў аб прыкметах 100%-нага заражэння «омікронам»

У хворага можа назірацца як адзін сімптом, так і комплекс прыкмет захворвання.

Пры заражэнні омікрон-штамам каранавіруса сімптомы захворвання ў пацыентаў могуць адрознівацца значнай разнастайнасцю. Пра гэта расказаў расейскі інфекцыяніст Яўген Цімакоў. Паводле ягоных слоў, у хворага можа назірацца як адзін сімптом, так і комплекс прыкмет захворвання, піша eadaily.com.

Напрыклад, акрамя катару, сярод сімптомаў могуць быць і болі ў горле, галаўны боль, асіпласць і дыярэя.

“Можа быць адзін катар — і ў цябе ўжо „омікрон“, але можа быць і комплекс сімптомаў. Калі адразу ў чалавека з'яўляецца і катар, і галаўны боль, і боль у горле, асіпласць і разлад стулу, то гэта амаль 100% будзе "омікрон" у гэты перыяд, у момант росту захворвання”, - паведаміў лекар.

Ён таксама адзначыў, што "омікрон" можа выклікаць цэлы спектр іншых недамаганняў. Гэта і балючыя адчуванні ў ЖКТ, і болі ў жываце, і бессань.

“Ён можа працякаць і проста ў выглядзе катару, і ў выглядзе недамагання, галаўнога болю, парушэнняў сну і проста ў выглядзе боляў у горле. Пры больш выяўленай клінічнай карціне і тэмпературныя рэакцыі назіраюцца, рэакцыі з боку страўнікава-кішачнага тракту, болі ў жываце. Зусім шмат разнастайных клінічных праяў, не спецыфічных”, - сказаў на заканчэнне інфекцыяніст.