«Белыя халаты»: Беларусы, бярыце сваю бяспеку ва ўласныя рукі

Лукашысты з трэскам правалілі барацьбу з каранавірусам.

Вось такі ён: твар эпідэміі «амікрона» ў Беларусі, піша тэлеграм-канал «Белыя халаты».

Бясконцыя чэргі ў паліклінікі, якія пачынаюцца яшчэ зацемна. Людзі чакаюць сваёй чаргі на наведванне лекара па некалькі гадзін. У тым ліку, чакаюць гадзінамі і дзеці, у якіх паднялася тэмпература. Выклікаць лекара на дом практычна не ўяўляецца магчымым праз загружанасць медыкаў і велізарны наплыў хворых.

Так выглядае «стабільнасць» і «паспяховая супрацьэпідэмічная праца», мы ўсё правільна зразумелі, Міністэрства аховы здароўя?

Беларусы, бярыце сваю бяспеку ў свае рукі: абавязкова насіце маскі, мыйце рукі, выконвайце меры сацыяльнага дыстанцыявання. Гэта зараз вельмі важна.