«Белыя халаты»: Міністэрства аховы здароўя, у вас усё нармальна?

Лекары звярнуліся да чыноўнікаў ад медыцыны.

Telegram-канал «Белыя халаты» звярнуўся да Міністэрства аховы здароўя ў сувязі з распаўсюджваннем у Беларусі штаму «омікрон»:

- У нас сёння новы флэшмоб: «пакажы талончык з нумарам чаргі».

Некалькі нашых падпісчыкаў даслалі нам талоны на чаргу на прыём у паліклінікі з жахлівымі лічбамі. У адной паліклініцы ў адзін дзень магло быць і 270 чалавек на 8 раніцы, і 500 чалавек - да сярэдзіны і да канца дня. Звярніце ўвагу на фота - выглядае даволі жудасна. Падпісчыкі паведамляюць, што некаторыя з чаргі так і не змаглі да 9-й вечара патрапіць на прыём да лекара, праседзеўшы ў чаканні некалькі гадзін.

На ўсякі выпадак, яшчэ раз спытаем: нармальна ў нас усё, Міністэрства аховы здароўя? Лекары спраўляюцца, пацыенты цалкам атрымліваюць дапамогу?

Ці будзеце потым зноў рапартаваць, што вы пастараліся і справіліся з цяжкім выклікам пад назвай «омікрон»?