Кароль Гішпаніі заразіўся COVID-19
- 9.02.2022, 19:57
- 1,556
Фэліпэ VI будзе заставацца на самаізаляцыі сем дзён.
Кароль Гішпаніі Фэліпе VI заразіўся каранавіруснай інфекцыяй COVID-19. Пра гэта ў Twitter паведаміў прэм'ер-міністр Гішпаніі Педра Санчэс.
"Мае зычэнні скарэйшага акрыяння каралю Фэліпэ VI. Я спадзяюся, што сімптомы лёгкія і вы неўзабаве зможаце вярнуцца да звычайнага жыцця. Захоўваючы разважлівасць перад тварам COVID-19 і выяўляючы адказнасць, мы неўзабаве пераадолеем гэтую пандэмію", - напісаў ён.
El Pais са спасылкай на прэс-службу каралеўскай сям'і паведаміла, што кароль здаў тэст раніцай 9 лютага пасля таго, як уначы ў яго з'явіліся лёгкія сімптомы захворвання. Фэліпэ VI будзе заставацца на самаізаляцыі сем дзён.
У каралевы Летыцыі і інфанты Сафіі няма сімптомаў захворвання, піша выданне. Іх стан будуць маніторыць у адпаведнасці з устаноўленымі правіламі.
