У Менску адбылася дзіўная аварыя з удзелам тралейбуса

Адзін чалавек пацярпеў.

У беларускай сталіцы тралейбус пратараніў агароджу. Адзін чалавек пацярпеў.

Здарэнне адбылося сёння ўдзень. Блізу 12.55 кіроўца тралейбуса рабіў дробны рамонт свайго транспартнага сродку каля дома №13 на вуліцы Чыгуначнай у Менску.

Тралейбус пакаціўся і рэзнуўся ў цагляную агароджу, разбурыўшы яе. У выніку ДТЗ у медыцынскую ўстанову быў дастаўлены адзін пасажыр.

Як паведаміла УДАІ ГУУС Менгарвыканкама, кіроўца не ўжыў захады, каб не дапусціць адкату тралейбуса.