Reuters: ЗША і Кітай абрынулі цэны нафты

Гэта адбылося сёння.

Цэны на нафту знізіліся сёння, 22 кастрычніка, паколькі ЗША аднавілі актыўныя намаганні ў спыненні агню на Блізкім Усходзе, а Кітай працягвае сутыкацца з запаволеннем росту попыту. Пра гэта паведамляе Reuters.

Снежаньскія ф'ючарсы на нафту Brent упалі на 60 цэнтаў, ці 0,8%, да 73,69 даляраў за барэль, а лістападаўскія ф'ючарсы на нафту WTI (West Texas Intermediate) знізіліся на 6 цэнтаў, да 70,50 даляраў за барэль.

У той жа час, снежаньскія ф'ючарсы на WTI прадэманстравалі падзенне на 57 цэнтаў, ці 0,8%, да 69,47 даляра за барэль.

Нагадаем, сёння Дзяржаўны сакратар ЗША Энтані Блінкен прыбыў у Ізраіль - першы прыпынак у сваім блізкаўсходнім турнэ. У час яго дзяржаўны дзеяч будзе спрабаваць аднавіць перамовы аб спыненні вайны ў Газе і разрадзіць лібанскі канфлікт.

«Цэны на сырую нафту вагаюцца ў адказ на неадназначныя навіны з Блізкага Усходу, паколькі сітуацыя мяняецца на эскалацыю і дээскалацыю», - кажа аналітык Rakuten Securities Сатору Ёшыда.

Экспэрты мяркуюць, што кошты могуць падняцца, калі з'явяцца больш дакладныя прыкметы эканамічнага аднаўлення Кітая, падмацаванага стымулюючымі мерамі Пекіна. Але поспехі, магчыма, будуць абмежаваныя - праз нявызначанасць наконт агульных даляглядаў сусветнай эканомікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com