Дзве беларускі могуць атрымаць 10 гадоў калоніі за яблыкі

Яны ўдзельнічалі ў схеме кантрабанды польскіх яблыкаў у Расею.

Група даставіла ў Беларусь паводле падробленых дакументаў 10 грузавікоў з польскімі яблыкамі, надалей іх павінны былі выправіць у Расею.

Як высветлілі супрацоўнікі аддзела барацьбы з кантрабандай, адна з затрыманых жанчынаў курыравала пытанне адсочвання грузавікоў, якія ўвозілі на тэрыторыю Беларусі яблыкі з Польшчы.

Другая развязвала пытанні з дакументамі. Яна забяспечвала садавіну фітасанітарнымі сертыфікатамі, у якіх значылася нібыта малдаўскае паходжанне яблыкаў. Жанчыны атрымалі ўзнагароду за працу.

Такім чынам у Расею перамясцілі больш за 200 тонаў польскіх яблыкаў. У падробленых дакументах іх кошт складаў больш за 170 тыс. бел. рублёў. Рэальны кошт у разы большы – 700 тыс. бел. рублёў.

Аператыўнай мытняй у дачыненні да беларусак і іншых нявызначаных асобаў, якія ўдзельнічаюць у гэтай схеме, пачатыя крымінальныя справы паводле артыкула аб кантрабандзе групай асобаў.

Артыкулам прадугледжанае пазбаўленне волі ад 5 да 10 гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com