На Беларусь насоўваецца цыклон «Лідзія»
4- 29.10.2024, 12:59
- 15,880
Сіноптыкі заклікалі чакаць «ліўні са снегам» і вецер да 72 км/г.
Надвор'е ў Беларусі працягвае здзіўляць. Яшчэ нядаўна лічбавыя мадэлі прагнозу абяцалі жыхарам апакаліпсіс у выглядзе «магутнага снегу» і шторму, але потым змянілі свой прагноз. Аднак цяпер на арэну выйшаў новы сюрпрыз - цыклон з прыгожай назвай «Лідзія», піша «Телеграф». Чаго ад яго чакаць беларусам з 30 кастрычніка да 1 лістапада?
Цыклон «Лідзія»
Як паведамілі ў тэлеграм-канале @nadvorie, у сераду 30 кастрычніка «ў наш рэгіён выходзіць першы з шэрагу Атлантычных цыклонаў - «Лідзія». І хаця сам цыклон будзе «далёка на поўначы», яго атмасферныя франты «паўплываюць на надвор'е Беларусі».
Са спасылкай на лічбавыя мадэлі прагнозу, у ТГ-канале распавялі, што 30 кастрычніка наша краіна «апынецца ў зоне цёплага фронту і цёплым сектары цыклону».
На поўначы Беларусі спрагназавалі дажджы і цяпло да +12..+15°. Пры гэтым паабяцалі, што «парывы паўднёва-заходняга ветру будуць дасягаць 10-13 м/с».
Паводле інфармацыі @nadvorie, ужо да вечара 30 кастрычніка павінен падысці халодны фронт.
«Менск, хутчэй за ўсё ён пройдзе гадзіне а 17-18. Ліўні, месцамі з крупамі. Узмацненне і змена кірунку ветру на паўночна-заходні, парывы да 16–18 м/с. Свежы вецер будзе дзьмуць усю першую палову ночы, узмацняючыся на поўначы і ўсходзе краіны да 20 м/с [72 км/г]», — адзначылі ў ТГ-канале.
Там мяркуюць, што ўжо да раніцы 31 кастрычніка «ўсё павінна сціхнуць».
«Пахаладае. Удзень вышэй за +10°», - рэзюмавалі ў @nadvorie.
Вецер да 65 км/гадзіна
У сваю чаргу сіноптыкі Белгідрамета абвясцілі жоўты ўзровень небяспекі на 30 кастрычніка праз туман і ўзмацненне ветру да 54-64 км/г (15-18 м/с). Надвор'е ў краіне «будуць вызначаць атмасферныя франты, якія перамяшчаюцца з Заходняй Еўропы».
Метэаролагі спрагназавалі «невялікія дажджы» і тэмпературу паветра ўначы +3..+9°С, удзень +10..+16°С.
У чацвер, 31 кастрычніка, са слоў сіноптыкаў, будзе «воблачна з прасвятленнямі», па краіне пройдуць кароткачасовыя дажджы
«Вецер заходняй чвэрці парывісты, уначы і раніцай месцамі моцны парывісты. Тэмпература паветра ўначы складзе ад +1°С на поўначы да +9°С на поўдні рэспублікі, удзень +5..+12°С», - паведамілі ў Белгідрамеце.
У пятніцу 1 лістапада надвор'е павінны фармаваць «атмасферныя франты ад цыклону, цэнтр якога будзе перамяшчацца з поўдня Фінляндыі на Валагодскую вобласць Расеі». Зноў дажджы і парывісты вецер, месцамі моцны.
Тэмпература паветра ўначы +2..+9°С, удзень +7..+14°С.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
