Расейцам абмежавалі доступ да сусветных тэлекамунікацыйных працэсаў

Змогуць толькі назіраць.

Дэлегацыя з Украіны не дапусціла расейскіх кандыдатаў на кіроўныя пасады ў даследчых групах Міжнароднага звязу электрасувязі (МСЭ) на перыяд 2025–2028 гадоў.

Пра гэта паведамляе прэс-служба Мінлічбы, піша «ДС».

Дзякуючы падтрымцы 40 краінаў, у тым ліку ЗША, Вялікай Брытаніі, Канады, Японіі, Францыі і Польшчы, расейцам цяпер абмежаваны доступ да сусветных тэлекамунікацыйных працэсаў.

«Яны змогуць толькі назіраць за вынікамі даследаванняў без магчымасці ўплываць на вызначэнне стандартаў і развіцця тэлекамунікацыйных тэхналогій», – гаворыцца ў паведамленні.

Таксама адзначана, што пастанова ўзмацняе абарону міжнароднага права і глабальную тэлекамунікацыйную бяспеку.

У Мінлічбе растлумачылі, што МСЭ – гэта спецыялізаванае агенцтва ААН, якое вызначае стандарты ў сферы сувязі, кіруе размеркаваннем радыёчастотаў і спадарожнікавых арбітаў, а таксама дапамагае краінам развіваць тэлекамунікацыйную інфраструктуру. У агенцтва ўваходзяць 193 краіны, таму прынятыя МСЭ пастановы і стандарты з'яўляюцца галоўнымі для глабальнай тэлекамунікацыйнай галіны ў свеце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com