СМІ: Ацалелыя ва Украіне паўночнакарэйскіх салдат адправяць у «гулагі»

Як чырвонаармейцаў, якія вярнуліся з Еўропы ў 1945 годзе.

Малаверагодна, што паўночнакарэйскім салдатам, якія ваююць за Расею, дазволяць вярнуцца дадому. Замест гэтага іх могуць "адправіць у гулагі". Пра гэта паведамляе The Mirror са спасылкай на словы экспэртаў.

Паводле ацэнак амерыканскай выведкі, ва Украіне ваюе амаль 10 000 паўночнакарэйскіх салдат. Але калі такі эксперымент будзе паспяховым, Кім Чэн Ын можа адправіць больш, адзначаюць журналісты. Перададзеныя УС РФ салдаты спадзяюцца вярнуцца дадому героямі, але іх можа чакаць непрыемны сюрпрыз, папярэдзіў экспэрт у Расеі Кейр Джайлз.

«Ёсць важкая прычына, праз якую Расея пакуль трымае паўночнакарэйскія войскі на сваёй тэрыторыі. У іх было дастаткова праблем з уласнымі расейскімі салдатамі, якія адпраўляліся ва Украіну і ўсведамлялі, наколькі лепш жыць за межамі Расеі», - падаюць журналісты цытату экспэрта.

Тое ж і з жыхарамі Паўночнай Карэі, ім наўрад ці калі-небудзь дазволяць вярнуцца дадому пасля таго, як яны даведаліся, якое жыццё за межамі Паўночнай Карэі, хаця гэта і расейскія рэгіёны.

"Для паўночнакарэйскага рэжыму было б небяспечна дазволіць ім вярнуцца, каб яны расказалі іншым пра тое, што бачылі", – дадаў экспэрт.

Са слоў Кейра Джайлза, можна назіраць вяртанне да чыстак, падобных тым, якія праводзіліся ў дачыненні да Чырвонай Арміі ў 1945 годзе, калі яна вярнулася з Еўропы.

"Вялікія часткі былі акружаныя і адпраўленыя ў ГУЛАГі", – адзначыў Джайлз. Ён таксама адзначыў, што бягучая статыстыка паказвае, што яны пражывуць на перадавой блізу тыдня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com