Эксперт расказаў, ці можа Трамп дабіцца пагаднення аб Украіне да інаўгурацыі
4- 15.11.2024, 17:17
- 2,568
Яна мусіць адбыцца 20 студзеня 2025 года.
Абраны прэзідэнт ЗША Дональд Трамп, імаверна, не зможа атрымаць пагадненне паміж Расеяй і Украінай да сваёй інаўгурацыі. Адпаведныя чуткі ў СМІ аб планах палітыка непраўдзівыя.
Пра гэта ў каментары YouTube-каналу РБК-Украіна заявіў палітычны эксперт Тарас Загародні.
Эксперт пракаментаваў матэрыял The Economist, у якім выданне сцвярджала, што Трамп хацеў бы мець гатовае мірнае пагадненне паміж Украінай і Расеяй да сваёй інаўгурацыі, якая пройдзе 20 студзеня 2025 года.
«Ну, я не веру ў гэта. Ну якая дамова да 20 студзеня, калі Трамп яшчэ не прэзідэнт? Наадварот, я бачу станоўчыя навіны», - адзначыў Загародні.
Ён нагадаў, што міністр замежных спраў РФ Сяргей Лаўроў пачаў скардзіцца, што новая адміністрацыя Трампа нічым не адрозніваецца ад папярэдняй, а таксама «не хоча звяртаць увагу на прыгнёт расейскамоўных».
Пры гэтым эксперт дапусціў, што размова паміж Трампам і Пуцінам усё ж адбылася і яна скончылася «не вельмі прыемна» для расейцаў.
«Магчыма, ім сказалі тое, што яны не хацелі б чуць, і гэта ім вельмі не спадабалася. Таму я думаю, што нас чакае вельмі шмат сюрпрызаў у дачыненні да Расеі ў першую чаргу. Я перакананы, што за папярэдняй адміністрацыяй Байдэна час працаваў супраць Украіны, а за дзейнай адміністрацыяй час працуе на Украіну», - мяркуе Загародні.
На яго думку, чуткі ў СМІ аб фіксацыі на лініі сутыкнення і якіх-небудзь пагадненнях з'яўляюцца нелагічнымі, бо гэта вельмі не падабаецца расейцам.
«Пакуль украінскія войскі ў Курскай вобласці, гэта нават тэарэтычна, я думаю, немагчыма», – падкрэсліў эксперт.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
