«Рыхтуйцеся!»: Лукашэнка зноў трызніць «дармаедамі»

Рыхтуюцца новыя захады супраць беспрацоўных?

У Беларусі не павінна быць «бамжоў і дармаедаў», заявіў 16 лістапада Аляксандр Лукашэнка ў Клімавічах на абласных «Дажынках». Паводле ягоных словаў, «усе павінны варушыцца, працаваць, зарабляць на сябе і на сваю сям'ю». Раней чыноўнікі заяўлялі, што могуць увесці чарговыя абмежаванні для тых, хто трапіў у базу «дармаедаў».

«Трэба, каб у чалавека разам з заробкам расла матывацыя і кваліфікацыя. Але давайце будзем шчыра гаварыць. У нас усе хочуць працаваць як найлепшыя? Вось сёння яны будуць на сцэне. Далёка не ўсе... Рыхтуйцеся. Рыхтуйцеся! – заявіў Аляксандр Лукашэнка. – Бамжоў, дармаедаў у краіне не будзе. Усе павінны варушыцца, працаваць, зарабляць на сябе і сваю сям'ю. Мы дапаможам. Мы дапаможам, дамо працоўнае месца, толькі ідзіце працаваць. Тыя, хто перашкаджае людзям жыць, мы, хлопцы, мы з вамі будзем сур'ёзна разбірацца. Не крыўдуйце».

Падрабязнасці таго, што канкрэтна могуць зрабіць чыноўнікі для барацьбы з «дармаедствам», не паведамляюцца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com