У Беларусі вядомы дэвелапер падаўся на банкруцтва
- 16.11.2024, 20:06
- 3,278
Раней ён судзіўся з будаўнікамі праз нявыплаты заробкаў.
Эканамічны суд Менска адкрыў справу аб банкруцтве з ліквідацыяй ТАА «ГалоўІндустрыяБуд». Дэвелапер сам падаў заяву аб банкруцтве. Адзіны ўдзельнік даўжніка - беларус Ілля Шылкоў, паведамляе myfin.by.
Антыкрызісным кіраўніком у гэтай справе прызначанае ТАА «АльтэрДырэкт».
Крэдыторы даўжніка падалі патрабаванняў да выплаты на агульную суму 3,2 млн рублёў. Пры гэтым запазычанасць дэвелапера перад дзяржбюджэтам – 1,7 млн рублёў. Даўжнік не аспрэчвае суму доўгу, але канстатуе, што не мае для яе выплаты такіх актываў, як нерухомасць, транспарт, электронныя грошы.
Таргі па рэалізацыі маёмасці даўжніка дазволілі атрымаць 11,9 тысячы рублёў для разлікаў па даўгах. Рэшткавы кошт асноўных сродкаў, якія ёсць у даўжніка, - 14,3 тысячы рублёў. Антыкрызіснаму кіраўніку трэба папрацаваць над спагнаннем дэбіторскай запазычанасці на суму 64,3 тысячы рублёў.
Кампанія «ГалоўІндустрыяБуд» эмітавала токены на пляцоўцы Finstore.by на агульную суму 500 тысяч даляраў, але змагла прыцягнуць толькі 70 тысяч.
Найбліжэйшы судовы разбор па справе суд прызначыў на 16 студзеня 2025 года.
Кампанія «ГалоўІндустрыяБуд» вядомая на рынку камерцыйнай нерухомасці з 2013 года, яна спецыялізавалася на праектаванні і будаўніцтве гандлёвых цэнтраў у Менску і рэгіёнах, кіравала пабудаванымі аб'ектамі, прадавала гандлёвыя памяшканні і здавала іх у арэнду.
Напрыклад, дэвелапер пабудаваў у 2022 годзе ТРЦ GREEN TIME у Менску і планаваў да 2025 года ўзвесці ГЦ "Саляр" у Гомелі.
Нагадаем, у 2022 годзе некаторыя будаўнікі, якія не атрымалі ад кампаніі частку грошай за працу па ўзвядзенні гандлёвага цэнтру ў сталіцы, былі вымушаныя звярнуцца ў суд.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
