Індыя заявіла аб паспяховых выпрабаваннях гіпергукавой ракеты
5- 17.11.2024, 15:50
- 1,944
Міністр абароны паведаміў аб дасягненні «важнай мяжы».
Улады Індыі заявілі аб паспяховых выпрабаваннях першай гіпергукавой ракеты вялікай далёкасці. Міністр абароны гэтай ядзернай дзяржавы Раджнат Сінгх у нядзелю, 17 лістапада, назваў выпрабаванні «важнай мяжой» і «гістарычным момантам», паведамляе «Нямецкая хваля».
Выпрабаванні прайшлі на бязлюдным востраве Абдул Калам, размешчаным у Бенгальскай затоцы ля ўзбярэжжа індыйскага штата Одыша, напісаў ён у X. «Гэта значнае дасягненне памясціла нашу краіну ў групу абраных нацый, якія валодаюць магчымасцямі такіх крытычна важных і перадавых вайсковых тэхналогій», - дадаў індыйскі міністр.
Ён таксама павіншаваў з «каласальным дасягненнем» навукова-даследчае падраздзяленне Мінабароны, узброеныя сілы і індыйскую прамысловасць.
India has achieved a major milestone by successfully conducting flight trial of long range hypersonic missile from Dr APJ Abdul Kalam Island, off-the-coast of Odisha. This is a historic moment and this significant achievement has put our country in the group of select nations… pic.twitter.com/jZzdTwIF6w
— Rajnath Singh (@rajnathsingh) November 17, 2024
Гіпергукавой зброяй валодаюць ЗША, Кітай і Расея
Індыйская гіпергукавая ракета валодае далёкасцю да 1500 км, піша Reuters. Яна можа несці розныя тыпы боегаловак.
Гіпергукавой зброяй цяпер валодаюць ЗША, Кітай і Расея.
У апошнія гады Індыя ўжывае маштабныя захады для ўмацавання абароназдольнасці і пашырае супрацоўніцтва ў гэтай сферы з ЗША, Японіяй і Аўстраліяй, а таксама Нямеччынай.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
