CNN апісаў «мірную ўмову Трампа»

Новы прэзідэнт ЗША прапануе ўгоду?

Мірная ўмова паміж Украінай і РФ пры пасярэдніцтве Дональда Трампа можа прадугледжваць адмову Кіева ад прэтэнзій на Крым у абмен на вяртанне часткі з астатніх акупаваных тэрыторый. Пра гэта піша сайт тэлеканала CNN.

Выданне нагадвае аб сумнеўным абяцанні Трампа пакласці канец вайне за адзін дзень і аб тым, што рэспубліканскі Кангрэс цяпер наўрад прыме новую праграму вайсковай дапамогі Украіне. Таксама CNN у агульных рысах акрэслівае мірнае пагадненне, якое пры пасярэдніцтве Трампа могуць падпісаць Кіеў і Масква.

«Расея захавае Крым, які яна захапіла ў 2014 годзе, а Украіна атрымае назад частку тэрыторый на ўсходзе Украіны, якія Расея захапіла. Наўзамен Украіна не ўступае ў NATO, але атрымлівае гарантыі бяспекі ад ЗША, такія як Японія. Ні расейцы, ні ўкраінцы не будуць задаволеныя элементамі гэтай умовы, але альтэрнатывай з'яўляецца вечная вайна, у якой ужо блізу мільён чалавек з абедзвюх старон былі забітыя і параненыя», — гаворыцца ў публікацыі.

Іншым вымярэннем гэтай праблемы з'яўляецца намер Трампа фундаментальна перагледзець супрацоўніцтва з хаўруснікамі з NATO. Хаця яму будзе вельмі цяжка вывесці ЗША з арганізацыі, нават некаторыя публічныя заявы наступнага прэзідэнта Амэрыкі могуць значна падарваць альянс, паставіўшы пад сумнеў прынцып калектыўнай абароны.

CNN нагадвае, што гэта можа адбыцца на фоне працягу расейскай агрэсіі ў глабальным вымярэнні, дзе Пуцін не паказвае намеру згортваць сваю гібрыдную кампанію супраць Еўропы. Напрыклад, генеральны сакратар NATO Марк Рутэ надоечы заявіў, што Расея праводзіць узмацненне кампаніі гібрыдных атак "на нашых хаўрусных тэрыторыях, беспасярэдне ўмешваючыся ў нашы дэмакратыі, сабатуючы прамысловасць і чынячы гвалт".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com