Брытанскі палкоўнік назваў «ідэальны» варыянт заканчэння вайны ва Украіне
- 17.11.2024, 21:46
- 4,660
Дональду Трампу давядзецца сур'ёзна ціснуць на Пуціна.
У выпадку правядзення мірных перамоў паміж Украінай і Расеяй ідэальным вынікам і заканчэнне канфлікту магла б сапраўды стаць дэмілітарызаваная зона, аднак тут ёсць адзін важны нюанс.
Як адзначыў у размове з "24 Каналам" палкоўнік ваеннай выведкі Вялікабрытаніі ў адстаўцы Філіп Інгрэм, гэтая зона не абавязкова павінна быць дэмілітарызаванай тэрыторыяй, якую Расея займае на тэрыторыі Украіны, а хутчэй тэрыторыяй унутры Расеі.
“Гэтая дэмілітарызаваная зона павінна быць унутры Расеі ў межах артылерыйскага і ракетнага радыусу дзеяння ад украінскіх межаў. Упэўнены, што ўкраінскія вайскоўцы былі б цалкам шчаслівыя, калі б міжнародныя міратворчыя сілы пагадзіліся б на дэмілітарызаваную зону ўздоўж расейскай мяжы пры ўмове, што будзе ўкладзенае належнае мірнае пагадненне з адпаведнымі войскамі, якія там знаходзяцца, з гарантыяй бяспекі для іх”, - адзначыў ён.
Інгрэм адзначыў, што расейскай мэтай першапачаткова была поўная капітуляцыя Украіны з усталяваннем марыянетачнага ўрада і адыход ад Еўропы і NАТО, аднак гэтага ніколі не адбудзецца. У той жа час, адзначыў ён, зараз Пуцін, магчыма, змяніў сваю мэту, і імкнецца да ўтрымання Крыма і захопленых тэрыторый, ці ў ідэале ўсяго спрэчнага рэгіёна Данбаса.
Інгрэм адзначае, што Дональду Трампу давядзецца сур'ёзна ціснуць на Пуціна. У той жа час, адзначыў палкоўнік, хаця Трамп будзе чакаць, што Пуцін пойдзе на саступкі, аднак наўрад ці гэта рэальна.
"Ён настолькі ізаляваны ў сваім маленькім коле людзей, якія яму кажуць тое, што ён хоча пачуць, што мяркуе нібыта мае кантроль над сітуацыяй у цэлым і можа ўплываць на падзеі. Пуцін проста будзе ўпірацца і не саступіць ні на крок", - мяркуе брытанскі палкоўнік.
На ягоную думку, гэта прымусіць Трампа разарваць стасункі з Пуціным або перагледзець свае дзеянні і даць Украіне рэальную вайсковую падтрымку.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
