У Беларусі скароцяць дзяржфінансаванне тэатраў

У дзяржавы няма грошай на культуру.

У Беларусі з 1 студзеня 2025 года зменяцца падыходы да фінансавання дзейнасці дзяржаўных тэатраў. Адпаведны ўказ падпісаў Аляксандр Лукашэнка, паведамляе ягоная прэс-служба.

Стварэнне новых пастановак, правядзенне гастроляў, аплата камунальных паслуг, эксплуатацыйных выдаткаў і выплата заробку будуць ажыццяўляцца на парытэтнай аснове (50/50) са сродкаў бюджэту і ўласных прыбыткаў тэатраў.

Пры гэтым дадаткова дзяржаўную падтрымку прапануюць падчас правядзення тэатрамі рамонту. На такі перыяд прадугледжанае вылучэнне ў бязвыплатнае карыстанне іншых памяшканняў, якія знаходзяцца ў дзяржуласнасці, і аплата за кошт бюджэту камунальных паслуг і транспарту.

У паведамленні гаворыцца, што «змена дазволіць дамагчыся больш эфектыўнага выкарыстання сродкаў бюджэту, а таксама станоўча паўплывае на ўдасканаленне рэпертуарнай палітыкі і актывізацыю творчай актыўнасці».

Нагадаем, што ў 2024 годзе новыя пастаноўкі ды іншыя выдаткі тэатраў фінансуюць за кошт бюджэту і ўласных сродкаў у суадносінах 60 на 40%.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com