Брамнік каманды Беларусі ў футболе зацікавіў клуб з Гішпаніі

Хлопцу ўсяго 21 год, а ён ужо двухразовы чэмпіён краіны.

Галкіпер менскага «Дынама» і нацыянальнай каманды Беларусі Фёдар Лапавухаў трапіў у сферу інтарэсаў гішпанскага «Вальядаліда».

Паводле звестак інфармаванай крыніцы, каманда з Ла Лігі гатовая заплаціць за футбаліста $200 тыс. Пры гэтым паведамляецца, што «Дынама» хоча зарабіць на гэтым трансферы не менш як $500 тыс.

Таленавітага брамніка звязваюць адразу з некалькімі клубамі. Так, у розных медыя пішуць пра цікавасць з боку бельгійскага «Гента», дацкага «Капенгагена» і маскоўскага «Спартака».

«Вальядалід» – каманда з гішпанскай Ла Лігі (першага дывізіёну чэмпіянату Гішпаніі). У сёлетнім сезоне клуб знаходзіцца на апошнім месцы з 9 баламі пасля 14 матчаў. У іх актыве ўсяго 2 перамогі і 9 паразаў.

Галкіпер стаў двухразовым чэмпіёнам Беларусі ў складзе менскага «Дынама» ў 2023 і 2024 гадах.

Таксама ў футбаліста багаты досвед у камандзе Беларусі. У чэрвені 2021-га яго выклікалі ў юніёрскую каманду да 19 гадоў, у сакавіку 2023-га – у моладзевую.

Дэбют у складзе моладзевай адбыўся 15 чэрвеня 2023 года ў гульні з камандай Расеі.

Да галоўнай каманды краіны Лапавухаў дабраўся ўжо ў 2024-м, калі на 10 хвілінаў выйшаў у няўдалым таварыскім матчы з Ізраілем (0:4).

Усяго ў Лапавухава шэсць афіцыйных сустрэчаў у Лізе нацый, тры матчы на нуль і чатыры прапушчаныя мячы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com