ДАІ пачала 9-дзённыя рэйды па ўсёй Беларусі

За што прыстрашылі штрафам да 200 рублёў?

Дзяржаўтаінспекцыя Беларусі 27 лістапада пачала рэспубліканскую прафілактычную акцыю "Змяні свой стыль на зімовы!”. Рэйды паабяцалі праводзіць да 5 снежня, піша telegraf.news. Інспектары расказалі, пра што будуць «інфармаваць» да 1 снежня, а за што штрафаваць пасля.

У акцыі дзве мэты - папярэджанне і прафілактыка ДТЗ зімой і прапаганда выкарыстання зімовых шын. Да канца лістапада вартавыя дарог паабяцалі распавядаць кіроўцам пра неабходнасць сезоннай змены шын. А з 1 снежня глядзець, як аўто падрыхтавалі да снежнага надвор'я.

Бо, як вядома, з гэтай даты кіроўцы абавязаны паставіць зімовую гуму на ўсе колы. "Парушэнне гэтага патрабавання пацягне штраф да адной базавай велічыні (40 рублёў), пры паўторным парушэнні на працягу года — ад двух да пяці базавых (80-200 рублёў)”, — папярэдзілі ў ДАІ.

Там адзначылі, што да зімы трэба не толькі падрыхтаваць аўто, але і кіроўцам перастроіцца на “зімовы, больш спакойны і акуратны стыль кіравання”. Вось якія рэкамендацыі для іх далі ў ведамстве:

* пазбягаць рэзкіх рухаў і манеўраў, асабліва каля пешаходных пераходаў, на закругленнях і прадуваных участках трас,

* выбіраць найбольш бяспечны хуткасны рэжым, улічваючы стан дарогі і надвор'е,

* павялічыць дыстанцыю на трасах,

* прышпільвацца ўсім у аўто.

Пешаходам, як і заўсёды, трэба абавязкова глядзець па баках, не рабіць рэзкіх рухаў пры пераходзе дарогі і выкарыстоўваць флікеры.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com