Генеральны сакратар NATO: Трамп падштурхне нас выдаткоўваць больш на абарону

Размова ідзе аб абавязаннях супольнікаў укладваць больш як 2 адсоткі ВУП.

Дональд Трамп можа падштурхнуць чальцоў NATO выдаткоўваць больш на абарону. Размова ідзе аб абавязаннях супольнікаў укладваць больш як 2 адсоткі ВУП.

Пра гэта паведамляе РБК-Украіна са спасылкай на заяву генеральнага сакратара NATO Марка Рутэ перад пачаткам сустрэчы Еўрапейскай палітычнай супольнасці ў Будапешце.

Журналісты спыталі ў генеральнага сакратара NATO аб тым, што значыць для Украіны перамога Дональда Трампа на выбарах прэзідэнта ЗША.

"Ён (Дональд Трамп, - рэд.) падштурхне нас усіх выдаткоўваць больш на абарону", - сказаў ён.

Рутэ пагадзіўся з крытыкай Трампа ў бок Еўропы датычна павелічэння выдаткаў на абарону. На ягоную думку, крытыка рэспубліканца прымусіла супольнікаў з NATO выдаткоўваць больш як 2 адсоткі ВУП на вайсковыя патрэбы.

Рутэ таксама заявіў, што хоча працаваць разам з новым прэзідэнтам ЗША, каб супрацьстаяць "новым небяспечным пагрозам", звязаным з уступленнем Паўночнай Карэі ў вайну Расеі супраць Украіны.

"Гэта становіцца ўсё большай пагрозай не толькі для еўрапейскай часткі NATO, але і для Злучаных Штатаў, бо Расея пастаўляе найноўшыя тэхналогіі ў Паўночную Карэю", – папярэдзіў генеральны сакратар.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com